芝维尔落“车”　暗示去曼联

车路士左后卫芝维尔好大机会离队，根据《talkSPORT》报道，曼联有意签入呢位27岁英格兰国脚，芝维尔曾经暗示自己系曼联球迷，今次有机会实现成“魔”童年梦想。

曼联2位左后卫杜维尔马拉西亚、劳基梳尔受伤长抖，新签嘅马沙拉奥司职右后卫，红魔鬼现时左闸得番达洛治及17岁小将哈利阿马斯，明显比较薄弱，所以向芝维尔招手。

芝维尔上年6月接受访问时，承认对曼联有一份情意结：“我童年时候经常同身为曼联球迷嘅爸爸去睇波，我第一次入场睇波就系曼联主场欧联比赛，已经唔记得对手系边队，当时感觉非常好。”

芝维尔现时周薪达20万镑(约200万港元)，恐怕只有少数大球会愿意负担呢份人工，曼联属于其中之一。