入錯貨？熱刺最貴新兵踢1場即受傷

熱刺今季以破球會史上最高轉會費紀錄6,500萬鎊(約6.7億港元)收購般尼茅夫射手蘇蘭基，但呢位26歲英格蘭國腳踢咗1場就受傷，將會缺陣周六(24日)晚英超主場對愛華頓。

熱刺上場英超對李斯特城，蘇蘭基踢足全場，並冇波入，今場迎戰愛華頓前夕，領隊普斯迪高路透露呢位前鋒受傷：「蘇蘭基嘅傷勢唔算嚴重，未至於要休息5星期，但未知佢幾時復出。」英國傳媒估計蘇蘭基下月國際賽結束之後，先至有望再次披甲，意味會缺陣未來2場英超對愛華頓、紐卡素。

熱刺另1位前鋒李察利臣因為受傷，缺陣大部分季前熱身賽，即使佢上仗後備上陣，但狀態仍然不足以應付90分鐘賽事，領隊普斯迪高路今場排陣肯定頭痛。