女子亞冠外　抵不丹首操　鍾貝琪：努力適應環境

傑志女足周五（23日）抵達不丹，備戰「亞冠盃」D組外圍賽，並於當晚展開首操。周六（24日）代表「藍鳥」出席賽前記招的鍾貝琪，就坦言球隊需時克服高原反應，但相信球隊經未來幾日的訓練後，會有所改善。

傑志女足周五早上已到達不丹，同日晚上已經進行操練，鍾貝琪坦言訓練期間，已感受到高原反應的影響，但有信心能夠克服困難：「始終我哋坐咗好耐飛機先到，所以第1課操練已經有啲吃力，到第二日做啲防守練習，開始感覺到高原反應，搞到有少少唞唔到氣，但球隊嚟緊幾日會keep住操，應該好快會適應環境。」

鍾貝琪續指當地食物較辣，因此球隊已跟當地酒店溝通作其他安排，以免球員進食後感到不適，影響狀態：「落機之後第1餐，發現當地啲食物比較辣，所以球隊同酒店反映，之後盡量唔好煮啲辣嘢畀我哋，驚刺激球員胃部，令大家唔舒服。傑志女足首場外圍賽，會於28日鬥皇家廷普學院，3日再與伊朗代表巴姆卡頓正面交鋒。