【官宣】巴塞外借兩球員　為期一年

巴塞隆拿又做蝕本生意，會方去年初由帕拉尼恩斯簽入嘅19歲新星洛基費拉拿，當時轉會費高達4,000萬歐元，但加盟後上陣機會唔多，長坐冷板，巴塞近日宣布將佢外借到貝迪斯，為期一年，貝迪斯可以買斷。

洛基費拉拿司職前鋒，效力巴塞一季半上陣16場攻入2球，佢同巴塞合約至2031年，屬於長線投資，不過未獲前任主帥沙維器重，新帥費歷克亦唔打算用佢，仲決定將佢外借。

此外，巴塞宣布29歲法國中堅基文迪朗格勒外借到馬德里體育會，為期一年，馬體會發文歡迎朗格勒加盟，稱該位29歲中堅已完成體測，稍後將正式簽約作實。