域陀奧森漢提瘋狂要求　嚇退車路士

車路士斟介拿玻里前鋒域陀奧森漢遇到重大阻滯，主要原因係該非洲射手要求50萬鎊周薪，令「藍戰士」非常震驚，談判亦無法繼續落去。

車路士現時最高薪兩名球員，分別係盧卡古同史達寧，周薪同為32.5萬鎊，盧卡古將轉投拿玻里，史達寧亦可能同查頓辛祖交換，如果域陀奧森漢周薪高達50萬鎊，勢必打破球隊薪資平衡。域陀奧森漢現時在拿玻里年薪，係稅後1,000萬歐元。

車路士幾乎用咗今夏轉會窗所有時間斟介域陀奧森漢，卻得出如此結果，實在好唔抵；如果車路士退出，有能力簽下該25歲前鋒嘅歐洲豪門，僅餘下巴黎聖日耳門。