C朗幾時掛靴？佢親自話你知

葡萄牙巨星C朗將於明年2月踏入40歲，呢位射手幾時掛靴備受關注，佢近日接受傳媒訪問，透露會再踢多2、3年，意味想為葡萄牙出戰2026年世界盃。

C朗講到退休、歐國盃、前度效力球會等話題，佢話：「葡萄牙喺今屆歐國盃成績唔好，上咗重要一課，我睇到新一代球員有光明前途，相信國家隊將來比賽表現會更好，西班牙表現出色，值得捧盃。」

C朗被問到幾時掛靴，佢似乎已有清晰計劃：「我諗好快會退役，應該2至3年內發生，可能一直效力艾納斯至掛靴，我現時喺艾納斯過得好開心，踢球會及國家隊感覺良好，會繼續落去。」換言之，C朗並冇打算退出葡萄牙國家隊。

另外，C朗表示，現時仍然有留意葡超，特別係母會士砵亭嘅比賽，亦有關注曾經效力球隊皇馬、祖雲達斯、曼聯嘅賽事。