巴塞出「絕招」成功為奧莫註冊

巴塞隆拿終於成功為新加盟貴價中場丹尼爾奧莫註冊，意味呢位26歲西班牙國腳可以出戰周三(28日)凌晨西甲作客華歷簡奴。

巴塞隆拿因為財政未達西甲賽會要求，一度有6位球員未能註冊，其後陸續完成註冊手續，今夏以6,000萬歐元(約5.2億港元)轉會費由RB萊比錫加盟嘅丹尼爾奧莫，因為未註冊錯過首2場聯賽。

巴塞隆拿現時使出「傷病條款」，以後衞安達斯基斯坦臣長期養傷為理由，幫丹尼爾奧莫完成「臨時註冊」，有效期直至今年12月31日。

巴塞已經唔少第一次使出「傷病條款」，早前以朗奴阿拿奧祖長抖，為另一位中堅恩尼高馬天尼斯「臨時註冊」，以應付燃眉之急。