「留歐」證明鬥心　戴巴拿獲阿根廷補選

保羅戴巴拿早前拒絕沙特阿拉伯豪門艾卡迪沙開出嘅天價合約，選擇留效羅馬，繼續出戰歐洲頂級賽事，證明自己仍然鬥心十足，保持競爭力，希望重返國家隊。阿根廷國家隊主帥史卡朗尼似乎都畀佢感動，宣布補選戴巴拿出戰下月世界盃外圍賽。

艾卡迪沙向保羅戴巴拿開出一份薪酬總值8,000萬歐元(約7億港元)嘅3年合約，利誘佢加盟，拍住奧巴美揚組成夢幻鋒線。不過，呢位30歲射手最終拒絕，並繼續效力羅馬，因為佢希望保持踢歐洲5大聯賽，以便爭取國家隊席位。

史卡朗尼日前公布國家隊名單並冇揀保羅戴巴拿，現時突然補選佢，可能同佢已經解決前途問題有關。阿根廷將於9月6日早上世盃外主場對智利，5日之後作客哥倫比亞。