曼聯再賣一人　米積伯利將轉投般尼

曼聯今季積極增兵之外，亦頻頻放走「冗員」，繼查頓辛祖可能轉投祖雲達斯之後，並即將出售中場米積伯利畀英冠球隊般尼，估計可以獲得750萬鎊(約7,700萬港元)轉會費收入。

據悉般尼原本希望以先借後買方式簽入米積伯利，但紅魔鬼要求對方即時付款，最後達成協議，曼聯收取750萬鎊轉會費，但般尼將來出售呢位21歲突尼西亞國腳，紅魔鬼可以獲得分紅。

曼聯2019年從摩納哥簽入當時年僅16歲嘅米積伯利，作為重點栽培球員，但佢升上一隊後不獲重用，過去2季曾經被外借去伯明翰、西維爾，明顯唔屬於領隊坦哈格組軍藍圖之內，被出售並唔令人意外。