馬體會再搶曼城兵　計劃借用紐尼斯

西甲勁旅馬德里體育會繼重金收購曼城前鋒祖利安艾華利斯之後，又再向「藍月亮」挖角，根據英國《每日郵報》爆料，馬體會今次提出借用曼城中場馬菲奧斯紐尼斯，由於呢位25歲葡萄牙國腳只屬於副選，曼城好大機會放人。

馬菲奧斯紐尼斯上年夏天由狼隊加盟曼城，盛傳轉會費高達5,300萬鎊(約5.5億港元)，但並不受領隊哥迪奧拿重用，上季英超僅上陣17次，而且多數後備入替。由於根度簡日前回巢重返曼城，估計馬菲奧斯紐尼斯今季上陣機會更加少，所以曼城唔介意將佢外借出去。

另外，曼城將後衞祖奧簡斯路出售畀沙特阿拉伯豪門希拉爾，獲得2,100萬鎊(約2.2億港元)收入。