【官宣】阿仙奴簽入馬連奴　最後衝刺買前鋒？

阿仙奴正式宣布簽入皇家蘇斯達中場米基爾馬連奴，雙方簽約4年，總轉會費為3,700萬歐元(約3.2億港元)。兵工廠今夏已買斷賓福特門將大衞拉耶，收購意大利後衞卡拉科利，加上米基爾馬連奴加盟，會方可能把握轉會市場關閉前，再簽入1位前鋒。

阿仙奴已經斟介米基爾馬連奴多時，依家終於正式落實，領隊阿迪達對於呢位28歲西班牙國腳寄予厚望，佢話：「馬連奴經驗豐富，可以踢幾個位置，以佢嘅技術及堅強積極性格，令球隊陣容更強大。」馬連奴入「廠」後，將會着23號球衣。

米基爾馬連奴以前去過英超搵食，曾於2017/18年球季效力紐卡素，其後轉投皇家蘇斯達，上季各項球會賽事上陣45場入8球，並有份協助西班牙捧今屆歐國盃冠軍。

阿仙奴簽入馬連奴，中後場人腳實力獲得提升，但仍然缺少1位可靠射手，加上加比爾捷西斯經常受傷，尼基迪亞可能離隊轉投水晶宮，預料兵工廠可能會喺周六(31日)凌晨轉會市場關閉前，爭取簽入前鋒。