「英超女王」聯合中東團財收購　熱刺翻身機會來了

根據英國《太陽報》爆料，前紐卡素班主之一嘅Amanda Staveley正在拉攏中東財團，計劃收購熱刺25%股份，一旦成功，呢間倫敦球會可望獲得巨額資金支持，屆時可以大肆增兵，有力打破多年錦標荒。

現年51歲嘅Amanda Staveley本身係英國商人，並同中東財團有密切聯繫，呢位「英超女王」曾於2021年促成沙特阿拉伯主權基金成功收購紐卡素，佢當時亦擁有10%紐卡素股份，並加入董事局，估計佢喺呢次收購紐卡素行動中，獲得豐厚回報。

不過，Amanda Staveley今年7月已經離開紐卡素，現時又準備照辦煮碗，聯合中東財團收購熱刺，據悉Amanda今次目標買入25%熱刺股份，估計需要耗資6.5億鎊(約67億港元)。

熱刺大股東ENIC集團現時擁有球會近87%股份，對於出售25%股份持開放態度，相信管理層都希望引入中東資金壯大球會，提升捧盃機會。