一個原因　雙紅會提早半小時開波

英超「雙紅會」曼聯主場對利物浦，將於9月1日晚舉行，原本喺香港時間晚上11點30分開波，現時提早半小時，於晚上11點展開比賽，據悉可能同保安理由有關。

英超賽會並冇解釋提早開波原因，英國《每日郵報》指因為雙方屬於傳統死敵，警方擔心兩隊球迷碰面，可能會發生衝突，同賽會協調之後，決定提早半小時開波。

同日另外2場英超，車路士主場對水晶宮、紐卡素主場對熱刺，同樣提早30分鐘開波，於香港時間晚上8點30分舉行，令電視台有足夠時間準備直播緊接展開嘅「雙紅會」。