為爭標去到盡　祖雲達斯再簽2位猛將

祖雲達斯今季大肆增兵，宣布再簽入2位進攻猛將尼高拉斯干沙利斯、法蘭斯高干斯卡奧，提升火力，誓要重奪失落4季嘅意甲冠軍。

26歲翼鋒尼高拉斯干沙利斯過去3季效力費倫天拿，上季意甲表現大勇，上陣29場聯賽射入12球，祖記以先借後買方式簽入呢位阿根廷國腳，代替將會離隊嘅費達歷高基艾沙。

至於21歲前鋒法蘭斯高干斯卡奧同樣以先借後買方式，由波圖加盟，呢位葡萄牙國腳係名將之後，爸爸沙治奧干斯卡奧球員時代曾經效力帕爾馬、拉素、國際米蘭，法蘭斯高干斯卡奧現時追隨父親步伐去意甲搵食。

祖雲達斯增兵行動未完，準備收購阿特蘭大中場古普美拿斯。