【多圖】身材勁火辣　比寧咸女友獲封最索WAG

皇馬中場祖迪比寧咸球場、情場兩得意，近月結識模特兒女友Laura Celia Valk，呢位25歲靚女亦因為同比寧咸爆出戀情，而人氣急升，加上身材勁火辣，獲封最索WAG(球星女伴)。

Laura Celia Valk嘅社交網Instagram有54萬「追隨者」，佢早前上載多張食晚餐相片，身穿低胸晚裝，將完美身材展露無遺，睇到男網民流晒口水，紛紛留言大讚佢性感、美麗，仲話好羨慕祖迪比寧咸有咁完美女朋友。

不過，根據英國《太陽報》爆料，祖迪比寧咸同Laura Celia Valk今個夏天並冇一齊度假，而係各自去唔同地方曬太陽，莫非兩人感情有變？