曼城睇中19歲「冰人」　想簽佢做夏蘭特副選

曼城今夏出售射手祖利安艾華利斯畀馬體會之後，需要補充前鋒，繼早前傳出有意收購些路迪嘅日本國腳古橋亨梧之後，現時又有新人選，睇中哥本哈根嘅19歲新星奧斯卡臣。

奧斯卡臣年紀輕輕已經晉身冰島大國腳，呢位身高1米86前鋒攻門把握力，今季各項賽事上陣11場已入7球，吸引曼城、皇家蘇斯達、波圖等大球會注意。

奧斯卡臣現時有4年合約在身，估計轉會費只需要500萬歐元(約4,360萬港元)，曼城受到財政違規案困擾，唔會再重金收購球員，簽入平價嘅奧斯卡臣，屬於唔錯選擇。