一個原因　水晶宮球王無法重返水晶宮

一提起「水晶宮球王」，好多球迷都知道講緊韋費特沙夏，今夏水晶宮曾嘗試重召呢位科特迪瓦射手歸隊，可惜因為英國稅務條例太苛刻，令沙夏回歸流產。

31歲嘅韋費特沙夏係水晶宮青訓出身，在水晶宮前後效力13年，在英超及英冠上陣458場入90球，球隊好多時靠佢一個人單天保至尊，因此佢又叫做「水晶宮球王」，上季沙夏離開水晶宮轉赴土超加拉塔沙雷落班，實現歐聯登場目標，不過今季失去正選位置，因此吸引水晶宮及李斯特城，希望將佢帶返英超。

不過英國嘅稅務條例，令兩支英超隊打退堂鼓，根據英國法例，5年內離開英國人士，如果以外借形式回流英國，就要同時向英國及所在地（土耳其）雙重課稅，簽入沙夏成本加倍，自然無法成事。