阿仙奴正討論簽入史達寧

被通知「一分鐘都冇得踢」嘅史達寧，正被車路士全力兜售，向曼聯推銷之後，最新銷售對象係同市球會阿仙奴，據報「兵工廠」內部正討論簽入史達寧嘅利與弊，未有決定。

多間傳媒報道，史達寧已不在車路士新帥馬利斯卡計劃中，不過佢周薪高達32.5萬鎊，而且仲有3年約，問題相當棘手，早前車路士有意同曼聯交換同樣周薪超過30萬鎊嘅查頓辛祖，但當中牽涉轉會費，問題更複雜，近日車路士轉移目標，向阿仙奴推銷史達寧。

「轉會專家」羅曼諾報道，阿仙奴內部正討論簽入史達寧，不過由於該隊收到此消息只有半日時間，暫時未有結論；另邊廂史達寧亦正評估各種選項，佢本人亦會在轉會窗關閉前作出決定。