【官宣】輸完大大鑊　狼隊急簽門將中堅

狼隊上場聯賽主場2比6大敗於車路士腳下，會方即時做嘢，在轉會窗關閉前連環出手，先後簽入中堅梅比約同門將森莊士東，加強防線實力。

18歲嘅梅比約係法國小國腳，身高1米91，由法甲南特過檔，之前只曾在南特B隊上陣，南特一隊僅上陣1場，而且上陣僅9分就領紅牌被逐，創下法甲最年輕被趕出場紀錄。

31歲嘅森莊士東係老牌英格蘭門將，曼聯青訓出身，踢過各級聯賽，身經百戰，上手球會係水晶宮，上陣34場有11場零封，據報狼隊要花費1,000萬鎊轉會費先簽到佢，簽約4年，另加1年續約權，狼隊有咗佢可望改善防線問題。