搶贏祖記　車路士簽入查頓辛祖

曼聯翼鋒查頓辛祖喺轉會市場關閉前最後時刻，成功脫「魔」，以先借後買形式，轉投車路士，剛好頂接替落「車」史達寧嘅位置。

近期有關查頓辛祖去向眾說紛紜，日前傳出佢飛赴意大利接受體測，準備加盟祖雲達斯。不過，車路士一直冇放棄爭取簽入呢位24歲英格蘭球星，並且開出比祖記更加優厚條件。

據悉車路士提出借用辛祖1季，明夏以2,500萬鎊(約2.56億港元)買斷佢，祖記只肯借用，唔包含買斷條款，由於曼聯計劃出售辛祖，車仔開出嘅條件明顯更符合紅魔鬼要求。

至於查頓辛祖已經接受車路士提供嘅薪酬待遇，相信人工同佢效力曼聯嘅30萬鎊周薪一樣。車路士將史達寧外借去阿仙奴，現時簽入位置相同嘅查頓辛祖，填補翼鋒人腳。

另外，車路士將前鋒布查外借去愛華頓1季，門將柏度域外借去法甲球隊斯特拉斯堡。