曼聯點解出售麥湯米尼　坦哈格咁解釋

麥湯米尼上季表現出色，多次危急關頭入波拯救球隊，但會方卻選擇將呢位27歲蘇格蘭國腳出售畀拿玻里，事後紅魔鬼領隊坦哈格表示，自己亦唔捨得賣走麥湯米尼，但因為球會財務安排，被逼割愛。

坦哈格話：「我百感交雜，唔想失去麥湯米尼，佢係標準曼聯球員，對球隊非常重要，但好不幸，財務規則逼使出售佢，我哋必須賣球員，尤其是本土球員，先至可以符合要求，青訓球員價值更高。」據悉麥湯米尼今次轉會費達2,570萬鎊(約2.6億港元)，成為曼聯史上第5高價出售球員。

事實上，除咗曼聯之外，車路士、阿仙奴今夏亦出售唔少來自青訓系統嘅球員，因為佢哋由青年軍升上一隊，唔需要轉會費，出售佢哋等於淨獲利，有助球會整靚盤數。