要求過高　安東尼馬迪爾冇班落

夏天轉會窗關閉，球員交易結束，不過一批自由身球員仍然可以搵班落，包括今夏離開曼聯嘅法國前鋒安東尼馬迪爾，由於佢之前叫價過高，至今仍未有球隊收留。

離開曼聯後，安東尼馬迪爾曾與國際米蘭及加拉塔沙雷斟介，由於佢免轉會費，談判過程比一般球員順利，不過佢要求人工過高，周薪超過15萬鎊（約150萬港元），導致交易告吹。

安東尼馬迪爾近年狀態走下坡，又唔肯降低要求，搵唔到落班不足為奇；不過今夏仍有多位自由身球員，等待落班機會，例如法國國腳中場拉比奧特、荷蘭國腳前鋒迪比、巴西翼鋒韋利安、西班牙老牌中堅沙治奧拉莫斯等，錯過轉會窗嘅球隊，可以向佢哋埋手。