拿玻里臨時加價　域陀奧森漢交易告吹

拿玻里打算出售域陀奧森漢套現已經搞咗好耐，日前終於斟掂沙特買家接手，結果因為拿玻里貪得無厭臨時加價，導致交易告吹。

拿玻里一直強調域陀奧森漢身價超過1億歐元，曾經巴黎聖日耳門長期時間同拿玻里談判，最終都傾唔成而退出，其後車路士加入斟介，但又唔到價。

直至近日，來自沙特嘅吉達艾阿里出價8,000萬歐元轉會費，並開出年薪4,000萬歐元超級合約，就在交易扑槌之際，拿玻里竟然臨時加價500萬歐元，要求8,500萬歐元轉會費，就因為嗰少少錢，最終這宗交易宣告流產。

域陀奧森漢同拿玻里合約尚餘2年，年薪係稅後1,000萬歐元，不過新帥干地無意起用呢位非洲射手，新球季只能做後備，甚至遭雪藏。