巴塞隆拿派7蛋創紀錄　費歷克完美開局

周六(31日)西甲賽事，巴塞隆拿主場7比0狂勝華拉度列，創下球隊近8年西甲最大勝仗紀錄，佢哋今季開咧4連勝，新帥費歷克亦係自2017年嘅華爾維迪後，首個開季聯賽4連勝嘅巴塞教練。

巴塞20分鐘由拉芬夏比洛尼入波，揭開大屠殺序幕，羅拔利雲度夫斯基4分鐘後單刀射成2比0，祖利斯古迪完半場前再入一球。換邊後巴塞繼續施壓，拉芬夏比洛尼入多2球完成「帽子戲法」，丹尼爾奧莫同費倫托利斯尾段各有斬穫，為巴塞湊成7比0大勝，亦係自2016年4月8比0炒拉科魯尼亞後，巴塞喺西甲最大勝利。

德國教練費歷克夏天接手後錄得完美開局，佢賽後表示：「球隊由一開波嘅表現已非常神奇，我哋需要咁樣踢，球員製造咗好多機會，花好多氣力去逼搶......踢出一場好好嘅賽事。」