港超聯　回歸首仗入波　「伊高」：「堅Sir」好嘢！

大埔於周日（1日）上演的「中銀人壽香港超級聯賽」主場迎戰新升班球隊九龍城，在重返大埔隊後的首場比賽中取得今季第一個入球，伊高沙托尼賽後表示，對自己今場表現滿意，並歸功於主教練李志堅的指導，期望日後繼續為「綠戰士」作出貢獻。

事隔四季重返大埔的伊高沙托尼，表示今場令他重拾享受球場的感覺：「呢球係我返大埔之後嘅第一個入波，我真係好掛住呢種感覺，而且最重要係今場大家都踢得好好，為新球季打響頭炮！」伊高沙托尼更直言，今季的自己是「堅Sir」調教下不斷進步的成果：「『堅Sir』好了解我嘅踢法，係佢將我塑造成最佳版本嘅自己。」

對於與隊友的磨合，伊高沙托尼認為自己已經與隊友產生化學作用：「我哋仲有提升嘅空間，但我哋第一場波已經交到貨畀球迷睇，希望之後繼續有波入同助攻，幫『綠戰士』搶分。」「堅Sir」賽後亦大讚「伊高」：「佢係個好球員，我覺得佢依家更加識得控制比賽節奏，運用空間同點樣去用波。你見到佢依家佢踢得好自在，好配合隊友，希望佢繼續keep到。」