馬天奴：美斯已復操　國際賽後復出

美洲盃後一直養傷嘅阿根廷球王美斯，近日已復操，跟隨國際邁亞密大隊操練，主教練馬天奴表示，美斯會再休息15日，國際賽檔期後就可復出。

馬天奴表示：「美斯傷勢進度理想，已經可以同大隊練習，其實佢可以立即上陣，但亦考慮到佢最好休息多15日，我哋討論過，認為休息耐啲更好，等到國際賽檔期後先復出。

美斯7月中美洲盃決賽為阿根廷上陣，期間足踝受傷換出，一直缺陣至今。阿根廷近期點兵亦冇美斯，9月兩場世盃外，包括主場對智利，以及作客哥倫比亞，據報主場對智利之戰由於冇美斯，主辦單位又唔肯減價，導致主場門票出現滯銷情況。