香港隊　有望演地標戰　周子謙、吳宇曦：好期待

正備戰斐濟三角賽的香港男子足球代表隊，周一（2日） 早上在將軍澳足球訓練中心（FTC）展開操練，當中兩位年僅18歲的新力軍，包括理文中堅周子謙（Tim）、東方翼鋒吳宇曦，則對有望為港隊上演地標戰，同樣表示相當期待。

年初曾代表港足出戰省港盃的周子謙，對於首度入選「大港腳」感到開心，盼望能夠把握機會上陣：「第一次代表港隊，自己本身冇諗過會入到決選，呢個機會好難得，所以我覺得好開心同幾新鮮。今次作為新人，同大家第一次夾，會盡力踢好比賽，畀教練留個好印象，希望努力爭取出場機會。」

至於上季表現搶鏡的「宇曦」，就對繼續躋身決選名單感到非常興奮，表示自己狀態亦在提升當中：「代表港隊係我由細到大嘅夢想，所以今次有得踢『大港腳』，個心情同上次一樣咁開心。最近狀態都Okay，不過始終個賽季啱啱先開始，去到100%都仲需要啲時間。」