菲爾科頓有傷　或缺陣2場歐國聯

英格蘭國家隊看守領隊卡斯利日前公布大軍名單，曼城中場菲爾科頓雖然有入選，但「藍月亮」主帥哥迪奧拿表示，呢位愛將有傷在身，感到唔舒服，可能無法向國家隊報到。

菲爾科頓延續今屆歐國盃表現欠佳頹勢，自英超開鑼戰對車路士，後備上陣踢咗45分鐘之後，近2場都缺陣，哥迪奧拿話：「我覺得科頓唔會為英格蘭踢未來2場比賽，佢感到唔舒服，不過國家隊唔係我話事，我都唔知結果會點。」

除咗菲爾科頓之外，皇馬中場祖迪比寧咸早已因傷，高掛免戰金牌，意味卡斯利第一次率領「三獅兵團」比賽，面臨同時失去2位主將。英格蘭將於9月8日凌晨歐國聯作客愛爾蘭，3日之後主場對芬蘭。