西班牙痛失猛將　「雙冠王」受傷退隊

歐國盃冠軍西班牙將於周五(6日)凌晨歐國聯作客塞爾維亞，「鬥牛兵團」賽前傳來不利消息，中場新星費明盧比斯因為受傷退隊，無緣未來2場比賽。

費明盧比斯上場西甲後備上陣，協助巴塞隆拿大勝華拉度列7比0，但其後驗出肌肉受傷，無奈退出國家隊名單。呢位21歲新星近年火速冒起，上季為巴塞隆拿上陣42場入11球，並有份出戰今屆歐國盃，成為冠軍成員。

費明盧比斯踢完歐國盃後，緊接出戰巴黎奧運，射入6球，包括決賽梅開二度，成為西班牙U23奪得金牌嘅大功臣。佢今次無緣為大國腳披甲，難免影響領隊富安迪部署。

西班牙除咗係歐國盃冠軍之外，亦係上屆歐國聯盟主，將展開衞冕之路，周五(6日)凌晨歐國聯作客塞爾維亞之後，下周一(9日)作客瑞士。