拉比奧特接近加盟艾納斯　同C朗再做隊友

拉比奧特今夏約滿離開祖雲達斯之後，曾經傳出成為「雙紅」曼聯、利物浦爭奪目標，但最終冇下文。根據意大利媒體《慢鏡頭》爆料，沙特阿拉伯豪門艾納斯非常接近同拉比奧特達成協議，即將簽入呢位29歲法國國腳，意味佢將會同C朗再次做隊友。

拉比奧特曾經要求800萬歐元年薪，但祖雲達斯只願意開出700萬歐元年薪續約條件，雙方傾唔掂數，據悉其他歐洲球會亦無法滿足拉比奧特嘅薪酬要求，結果遲遲未有班落。

《慢鏡頭》指艾納斯同意向拉比奧特提供1,000萬歐元(約8,620萬港元)年薪，雙方一拍即合，好大機會簽約。拉比奧特同C朗喺祖雲達斯合作過，依家又有機會再次並肩作戰。

另外，艾納斯宣布簽入車路士19歲巴西翼鋒安祖路加比爾，轉會費為2,300萬歐元(約2億港元)