【有片】史達寧練波着火　佢會踢邊個位？

阿仙奴喺轉會窗關閉前，成功由車路士借用史達寧，呢位英格蘭翼鋒周三(4日)首度跟隊練波，阿仙奴發布嘅影片所見，史達寧踢到「着晒火」狀態極佳，而佢喺首課練習入面定位右翼，預計會係布卡約沙卡嘅主要替補。

史達寧日前落實會着30號波衫，首課練習入面同唔使踢國際賽嘅加比爾馬天尼利、李安度杜沙特合組鋒線，史達寧喺右路同賓韋特合作，表現相當搶鏡。阿仙奴免費借用史達寧，而且只要負擔佢唔使一半嘅人工，非常抵玩。

史達寧練波影片：https://twitter.com/i/status/1831392520712155306　

可以勝任鋒線3個位置嘅史達寧，主要會分擔布卡約沙卡右路攻擊重任，不過下場聯賽作客熱刺，喺迪格蘭賴斯停賽下，夏維斯好可能會移後擔任中場，史達寧嘅首演可能會以箭頭身份上陣。