36歲桑馬達復出　加盟西悉尼流浪者

豹隱接近一年嘅前曼聯西班牙中場桑馬達，近日復出，西悉尼流浪者官方宣布簽入該位36歲前西班牙國腳，新一季轉戰澳職。

桑馬達離開曼聯後曾轉戰土超加拉塔沙雷，贏得土超冠軍，去年再轉投日職神戶勝利船，但僅上陣1場，在場上只有10分鐘，最終該季贏得日職冠軍，桑馬達都有分捧盃，然後離隊。

今次轉戰澳職，桑馬達雄心勃勃，佢話：「我好興奮，西悉尼流浪者係澳職唯一贏過亞冠盃嘅球隊，我好想立即同佢哋練波，備戰新球季，期待在不同職賽再贏另一個冠軍。」

桑馬達去到邊贏到邊，連世界盃同歐國盃都捧過，今次轉戰澳職唔知又有咩遭遇。