路易斯迪亞斯獲優先續約　周薪加3倍

2024年09月05日 22:00
  • 東網電視
    更多新聞短片
    路易斯迪亞斯。(Getty Images)
    雙紅會之後，穆罕默德沙拿公開表示未獲利物浦續約，而另一邊廂，翼鋒路易斯迪亞斯獲紅軍優先續約，由於佢周薪處於低水平，故將獲加薪3倍以上。
    路易斯迪亞斯兩年前加盟利物浦，周薪為5.5萬鎊(約55萬港元)，處於極低水平，佢合約至2027年，因此近幾個轉會窗，不時傳出其他豪門向利物浦挖角消息。
    呢位27歲哥倫比亞國腳在利物浦上陣時間穩定，剛在雙紅會頭頂腳踢梅開二度，賽後傳出獲利物浦優先續約，年期待定，但周薪至少加3倍。
    相比沙拿自白未獲利物浦高層接觸傾續約，似乎紅軍管理層嘅心意都好明顯，就係睇重年輕嘅迪亞斯，年過30嘅沙拿就慢慢傾。
    最新消息稱，利物浦打算開啟沙拿嘅續約談判，由於沙拿周薪高達35萬鎊，而紅軍政策係老將續約逐年簽，而是否凍薪或降薪等問題，就要視乎談判結果。