連續攻破曼聯阿仙奴　白禮頓神鋒獲巴西補選

巴西國家隊公布補選球員，白禮頓22歲前鋒祖奧柏度搭上尾班車，將隨隊參加對厄瓜多爾及巴拉圭兩場世盃外，亦係佢自去年11月後再度入選。

祖奧柏度今次獲補選，係頂替法林明高柏度受傷空缺，過去只曾入選巴西一次，去年11月對哥倫比亞，因雲尼斯奧斯祖利亞受傷獲後備上陣，但結果巴西該場輸1比2，其後巴西再輸畀阿根廷後宣布換帥。

22歲嘅祖奧柏度上季由屈福特加盟白禮頓，3,000萬鎊轉會費破當時球會紀錄，上陣40場入20球，今季表現更成熟，對曼聯攻入絕殺球，以及對阿仙奴攻入扳平入球，目前白禮頓3戰得7分排第3，佢有好大功勞。