沙拿滿意施洛領軍　將開始續約談判

穆罕默德沙拿早前公開始表示利物浦未同佢傾續約，離隊傳聞四起，近日終於有新消息，利物浦將於短期內與沙拿對話，據報沙拿對於新帥施洛同管理層感到滿意，續約留隊傾向正面。

「轉會專家」羅曼諾報道，利物浦將在未來幾天、幾星期甚至幾個月與沙拿對話，雙方談判內容無法預測，不過消息指沙拿對施洛執教及新管理層很滿意，華基爾雲迪積克及阿歷山大阿諾特看法與沙拿一致，沙拿嘅談判結果將影響多位主力去向。

有分析指出，利物浦將為沙拿打破常規，取消30歲以上球員續約1年限制，同沙拿續約2年，周薪亦維持現狀35萬鎊，不過即使沙拿明夏約滿自由身離隊，會方亦會接受。