迪馬利亞致敬典禮　欽點11號球衣繼承人

阿根廷踢畢世盃外對智利賽後，舉辦迪馬利亞致敬典禮，全隊將「天使」拋向空中，正式送別呢位世盃功臣，迪馬利亞親自欽點11號球衣繼承人，就係由盧施素接棒。

36歲嘅利亞宣布退出阿根廷國家隊，上陣次數定格於145場入31球，結束16年國際賽生涯，贏過世青盃、奧運金牌、世界盃、兩次美洲盃及歐美盃，在致敬典禮上，佢話：「因為一班隊友，我先獲得呢個致敬典禮，以呢種愛嘅方式告別，我永遠感謝大家，感激所有人，包括教練團、醫療團隊、工作人員，同我一齊共度時光嘅人。依家我係一個普通球迷，我會同家人一齊繼續支持你哋。」

迪馬利亞親自欽點11號球衣，由盧施素繼承，成為新一代阿根廷11號球衣擁有者，過往擁有呢個號碼都係偉大球員，係阿根廷10號嘅最佳拍檔，例如華丹奴、華朗、沙維奧拿、泰維斯、阿古路同麥斯洛迪古斯等，迪馬利亞用咗呢個號碼9年，之後交畀盧施素。