德國揀場合試陣 細盤屬明智之選
2024年09月07日 19:01
東網電視
更多新聞短片
歐國聯A3組，德國主場對匈牙利。
歐國聯A3組首輪賽事，重新洗牌嘅德國將於主場迎戰匈牙利，「日耳曼戰車」雖然人才濟濟，不過一時間更換半隊主力，適應上肯定需要時間，對住踢法硬淨嘅匈牙利唔係咁易咬得入，捧中位數3.5球細盤係明智之選。（周日凌晨2時45分開賽）
德國自從喺今夏歐國盃8強出局之後，一眾老將包括卻奧斯、湯馬士梅拿、根度簡同門將紐亞相繼退出國家隊，今次點兵中堅魯迪格亦獲免役，主帥拿高斯文擺明趁歐國聯呢項「高級版熱身賽」嘗試新陣，例如佢賽前已經講明，會起用新人阿歷山大柏夫洛域，相信陣容大變之下，磨合需時。
作客嘅匈牙利除咗有隊長蘇保斯拉爾領軍外，前中後包括門將古拉施斯、後衞韋利柯賓及馬頓戴達、前鋒路蘭沙拉爾等都喺德甲搵食，對德國踢法相當熟悉，可謂知己知彼。況且匈牙利近年對親德國表現都唔差，近5次交手錄得1勝2和2負，而且有4次開3球或以下，防守相當穩陣，今場追捧入球細乃不二之選。
更多賠率：