傳拉爵下令　未來4場定坦哈格生死

坦哈格每隔一段時間就有帥位危機，雙紅會慘敗後，坦哈格去留再惹關注，英國傳媒報道，曼聯新股東拉特克利夫下令，要求曼聯未來4場聯賽改善表現，如未能令人滿意，坦哈格就會落鑊。

國際賽檔期後曼聯4場聯賽，分別係作客修咸頓、作客水晶宮、主場對熱刺同作客阿士東維拉，4場聯賽期間仲有英聯盃對班士利、歐霸盃對川迪同波圖，如果曼聯4場聯賽全勝，坦哈格自然順利過度，但若然輸得肉酸，曼聯就會換帥。

分析指，拉爵呢個要求其實好合理，國際賽檔期後先作客修咸頓，呢場波相對易踢，曼聯贏波難度不大，預料坦哈格可先過一關，緊接住係作客水晶宮，可能較難打，不過水晶宮今季表現走樣，曼聯贏佢亦好應該。

第3關主場對熱刺屬Big6大戰，對坦哈格嚟講係一次考驗，必須取勝曼聯才有機會重返前列，算係關鍵之戰，尾關作客阿士東維拉絕對係硬仗，坦哈格必須展示能力，令球隊有顯著進步才算過關。