高級組銀牌　連續兩場入波！基哥利：感受到嗰份團結

冠忠南區於周日（8日）在深水埗運動場上演「高級組銀牌」揭幕戰，今季新加盟南區的前鋒基哥利繼上場港超首周賽事中，今場再攻入一球，助球隊以3比0晉級8強的基哥利，對南區能夠取得首勝，取得出線席位，將功勞歸於全隊的努力團結，亦感謝球隊堅持奮戰。

今場擔正的基哥利連續兩場有入球，他對此感到非常高興，向隊友表示感謝：「呢場比賽係非常艱難，但我攻入第一球之後士氣同信心都大增，多謝成班隊友全力以赴咁踢同互相配合，我哋季前一直操練磨合，然後係今場集中去組織進攻，就係有呢份團結成為咗贏波關鍵。」

上季曾轉戰澳門聯賽，今季首次來港發展的基哥利，表示上陣兩場後，能明顯感受今季港超競爭激烈，會繼續與隊友並肩作戰到尾：「我效力南區只係短短時間，已經感受到港超比起我以前踢嘅聯賽水準高好多，加上今季競爭激烈，所以比起以往係更加大挑戰。我認為南區球員之間係好齊心，今場之後我對球隊嘅默契有更大信心，期待再繼續貢獻，幫球隊爭到更高嘅排名位置。」