羅美路歐霸停賽　為2季前舊帳找數

今季將會出戰歐霸盃嘅熱刺，今個月底首戰作客卡拉巴克，將會有中堅基斯甸羅美路停賽，原來呢位阿根廷國腳2季前喺歐聯食紅牌「未找數」，依家就要還番舊債。

熱刺前季歐聯16強被AC米蘭淘汰，基斯甸羅美路次回合兩黃一紅被逐，由於熱刺之後一直冇再踢歐洲賽，所以1場停賽一直未有履行。歐洲足協證實，所有1場或2場嘅停賽，生效期為2年，但基斯甸羅美路嘅紅牌只係相隔18個月，仍然處於「追溯期」之內。

基斯甸羅美路一直係熱刺防線核心，佢嘅中堅拍檔雲迪尹目前養傷，如果到時兩個中堅都唔出得，隨時有失分危機。