文仙尼：中國係好球隊　我要入5、6球

中國國家隊周二(10日)將在世盃外亞洲區第三圈主場迎戰沙特阿拉伯，受首戰狂吞日本7蛋影響，中國已經淪為列強眼中嘅「魚腩」，沙特阿拉伯都想要大炒中國，主帥文仙尼表示：「如果入到5、6球對我哋會非常有利。」

中國上場大敗，但沙特亦食咗記悶棍，被印尼1比1逼和，雖然印尼擁有多位荷甲及意甲兵，實力不容小覷，但對於文仙尼仍是壓力沉重，據報假如今場未能擊敗中國，文仙尼將被辭退。

雖然中國已淪為「魚腩」，但文仙尼未有輕敵：「中國隊雖然上場輸咗7球，但仍然係好球隊，估計今場會有更好表現，至於我哋亦要把握機會，力爭3分。」

對於今場形勢預測，文仙尼表示：「我哋會爭取先入波，一場比賽如果贏到5、6球將會非常有利，我哋對中國有針對性訓練，但唔清楚佢哋踢4後衞定5後衞，上場對印尼我哋贏唔到，但只要延續下半場演出，我哋會贏。」