沙特天價再斟雲尼斯奧斯　皇馬或應承

皇馬巴西翼鋒雲尼斯奧斯祖利亞近日再獲沙特斟介，據報今次開價5億歐元(約43億港元)轉會費，並承諾「小雲」未來5年可賺取10億歐元(約86億港元)報酬，條件超級吸引。

沙特傳媒報道，沙特足球官員正與皇馬接觸，準備進行交易談判，由於條件極度吸引，皇馬不排除會應承，「小雲」雖未表態，但面對5年搵10億歐元嘅金錢誘惑，好難唔心動。

沙特提出斟介嘅時機相當巧妙，事關皇馬同「小雲」近期關係緊張，源於「小雲」指責西班牙係種族主義國家，有關言論令到正在爭辦2030世界盃主辦權嘅西班牙感到尷尬，加上呢位巴西翼鋒季初表現走樣，令皇馬不再視之為非賣品，沙特開出難以拒絕條件，順水推舟將其出售亦係合理做法。