【世盃外】國足頹爆頂唔住沙特
2024年09月10日 12:00
東網電視
更多新聞短片
世盃外亞洲區第三圈C組第二輪，中國返主場迎戰沙特阿拉伯。中國首輪狂吞日本7蛋，國內輿論嘩然，在此風雨飄搖時刻迎戰西亞勁旅沙特阿拉伯，連敗已成定局，而且沙特近3次作客2勝，表現有保證，沙特讓一球/球半要上盤。（港台32周二晚8時直播）
其實中國喺第二圈狼狽晉級，已經預視佢哋第三圈「唔夠班」，喺強敵環伺嘅18強賽只會淪為炮灰，果然首輪即遭日本狂數7比0，全場更僅得1次射門，實力差距巨大，今場迎戰同日本實力只差一線嘅沙特，難望有脫胎換骨表現。
沙特近年大灑金錢，簽入C朗等巨星大搞本土聯賽，國家隊聘請文仙尼領軍，以及全力申辦2034世盃，對今屆世盃外出線可謂志在必得，球隊首輪意外地與印尼踢成1比1，今場對被視為同組實力最弱嘅中國，見日本數得咁過癮，沙特目標唔止要贏，仲要數多幾球，上盤捧得過。
沙特主帥文仙尼的5、6球言論一出，今場沙特大比數獲勝波膽顯著落飛，例如沙特贏5比0波膽，由隔夜35倍截至今日下午6時，賠率跌至22倍，客其他(主隊無入球)波膽，到開賽前仍繼續落飛，備受追捧。
更多賠率：