自由市場搶手貨　拖肥、維拉爭土耳其國腳

英超轉會場完咗超過1個星期，不過唔少球會仍然想喺自由市場「尋寶」，正值當打嘅27歲土耳其國腳耶斯斯，就成為當紅炸子雞，據報包括曼聯在內嘅5間英超球會都打佢主意！

進攻中場耶斯斯今夏同里爾約滿，據報依家同多間英超球會接觸，包括曼聯、阿士東維拉、紐卡素、熱刺、愛華頓同李斯特城，曾經同佢喺里爾合作嘅教練方辛加，亦想將佢帶去AC米蘭。

耶斯斯上季喺里爾入12球，亦有份踢夏天嘅歐國盃，但佢落班最大困難係10萬鎊周薪嘅要求，目前英超球會當中以愛華頓同阿士東維拉最積極，維拉上季喺歐協聯對里爾，就曾經被耶斯斯攻破大門。