【歐國聯】英格蘭疲鋒半場獻細
2024年09月10日 20:00
東網電視
更多新聞短片
歐國聯B2組賽事，由看守領隊卡斯利領軍嘅英格蘭，主場迎戰芬蘭力爭兩連捷。英格蘭重新出發後有個好開始，不過喺祖迪比寧咸等核心缺陣情況下，進攻創造力仍有疑問，面對密集防線隨時老鼠拉龜，預料上半場「交投淡靜」，捧1.5球半場細係明智之選。（周三凌晨2時45分開賽）
英格蘭上輪2比0贏愛爾蘭，卡斯利排陣頗為「正路」，起用安東尼哥頓做正選，玩番傳統嘅兩翼側擊，不過喺祖迪比寧咸、菲爾科頓同高爾彭馬3大進攻中場缺陣下，創造力不足問題將會浮現，遇着屯重兵喺後防嘅芬蘭，靠兩翼側擊未必可以有效拉空防線。
英格蘭另一個問題，就係隊長哈利卡尼喺國家隊表現持續低迷，歐國盃期間做過後備殺手嘅艾雲東尼同奧尼屈堅斯，今場都冇份候命，要破密集就更冇把握。睇番英格蘭近5仗主場，有4次半場開1球或以下，今仗上半場好可能再演悶戰。
芬蘭本身實力有限，上仗已經吞希臘3蛋，今仗面對強敵肯定會加強兵力防守，希望靠死守搶分，上半場體力充沛下，有力抵抗英格蘭進襲，博1.5球半場細好路。
更多賠率：