港超聯　吳宇曦再獲召　爭上陣盼為球隊建功

東方於周四（12日）在旺角大球場「中銀人壽香港超級聯賽」以5比1擊敗均業北區，剛結束斐濟三角賽的吳宇曦今季首度擔正，全場交出1入球1助攻的他更獲選為「全場最佳球員」，「宇曦」表示短期內希望可以繼續獲「大港腳」徵召，同時會爭取更多上陣時間，為球隊爭勝。

剛結束港隊行程後即交出入球，「宇曦」表示相當開心，但直言自己於斐濟三角賽的上陣較少，所以認為狀態上未完全進入比賽節奏：「頭先我60幾分鐘已經畀人換走咗，自己都知道體能上唔太支撐到，季初自己個狀態仲未提升到最佳，依家唔算係完全fit嘅，所以球隊嘅體能教練安排咗啲訓練計劃畀我，希望之後可以喺體能方面再提升。」

港隊將於10月進行兩場國際友誼賽，周四（12日）公布51人初選名單，吳宇曦對於自己再度獲召，表示會期待繼續為港隊披甲上陣：「暫時短期目標就係想喺球會繼續爭取出場時間，

爭取好表現，希望可以keep住入香港隊名單。」