真誇張　車路士同積遜續約到2033

車路士官方周五（13日）宣布，與隊中射手尼高拉斯積遜再續約2年，合約至2033年，到約滿時，尼高拉斯積遜將會32歲。

車路士同球員合約愈簽愈長，23歲嘅尼高拉斯積遜去年夏天由維拉利爾加盟車路士，本身已經簽咗一份8年長約，而佢上季上陣44場攻入17球，今季3場入2球，數據唔錯，但有批評指呢位前鋒經常門前失機，把握力有待改善。

尼高拉斯積遜表示：「我覺得好好，好為續新約感到高興，將會留在隊中好多年，球隊亦對我有信心， 現時我每日努力學習，積極向上。」

佢續稱：「我已經適應咗英國天氣，希望球隊做得比去年更好，幫球隊贏得冠軍。」