曼城面臨被扣100分　哥帥咁回應

曼城被英超賽會控告違反財務規定，涉及控罪達到115條，案件將於下周一(16日)展開聆訊，一旦罪成，可能被罰扣60分至100分，意味將會降班。不過，領隊哥迪奧拿未驚過，揚言判決之前，「藍月亮」係無罪，叫各界拭目以待，似乎好有信心球會可以打贏官司。

哥迪奧拿話：「好開心下周一展開聆訊，我知道未來日子會出現更多傳聞，會有新專家出來分析事件，我知道大家想見到乜嘢結果，但證明有罪之前，每個人都係無罪，大家拭目以待。」估計聆訊工作需要一段長時間，就算曼城最終被判罪成，處罰都要等到下季先至會執行。

另外，哥迪奧拿透露，並冇同球員討論案件，因為呢啲係律師嘅工作，佢同球員都唔係律師。