安東尼求婚成功　修心養性做好男人

曼聯翼鋒安東尼馬菲奧斯球場失意，但情場得意，宣布求婚成功，將會同女友Roose Xavier拉埋天窗，似乎已經修心養性，未來日子專注拯救足球事業。

安東尼馬菲奧斯喺社交網上載單膝下跪，求婚相片，仲有同Roose Xavier擁吻嘅甜蜜照片，吸引大量網民留言祝賀，曼聯官方社交網亦有留言恭喜一對金童玉女。

據悉安東尼同Roose Xavier早於讀書時期已經認識，女方2019年為安東尼誕下1位男嬰，兩人嘅女兒亦喺今年6月出世。

安東尼馬菲奧斯上年被前女友Gabriela Cavallin控告毆打、禁錮、死亡恐嚇等罪行，早前獲巴西警方撤銷控罪，現時同Roose Xavier拉埋天窗，重新打造好男人形象。