港超聯　入球助攻各一　盧卡斯：Keep住呢團火！

上季聯賽「二哥」大埔周六（14日）在「中銀人壽香港超級聯賽」，主場以2比1反勝「一哥」理文，包辦1入球1助攻的盧卡斯（Lucas），可謂其中1位大功臣，但他賽後未敢樂觀，表示聯賽為長途戰，全隊不會因今場勝出就鬆懈。

大埔上半場被艾華頓攻破大門，落後0比1，但Lucas換邊後帶領「綠戰士」展開反擊，先於68分鐘為球隊追平，8分鐘後再為馬卡雷拿送上助攻，最終助球隊反勝，Lucas表示一眾隊友即使處於落後，亦未有自亂陣腳，加上主場球迷始終如一，為球隊打氣，令「綠戰士」反敗為勝：「就算上半場輸緊1球，大家都冇諗過放棄，一直相信球隊最後可以贏波，而且大埔球迷真係好正，就算落後都Keep住打氣，好想為呢班球迷奮戰到底。」

Lucas又表示今場擊敗「黃黑軍團」後，對爭標有更大信心，但強調全隊不會掉以輕心：「今季全隊都一條心，好想有盃落袋，但聯賽係長途戰，呢場贏咗唔代表咩，之後仲要Keep住呢團火，希望最後攞到冠軍啦。」